So. 11.2.2024 Faschingspredigt 2024 (Pfarrer Hans Lagler)
Faschingspredigt 2024
Es wäre falsch am Faschingssonntag trocken und steril über die Freude zu predigen. Dies gilt es einfach zu erleben und so möchte ich alle Mitfeiernden der heiligen Messen gerne zum Lachen bringen.
Pfarrer Lagler kommt als Haushälterin Mitzi in die Kirche:
„Jo so a Pforraköchin hot immer Oabeit,
va da friah bis in die spote Nocht.
Kocha, Gschirr owoschn, Blumen gießen,
Staub saugen, Wesch woschn, eikaffa geh.
Nia hob i a Ruah.
Waun I daun im Pforrhof fiati bin
muaß I in da Kiarcha die Heulign ostaum.
Haushälterin Mitzi geht mit Staubwedel durch die Kirche und wischt die Leute ab, bleibt bei einem Mann stehen, der z. B. Philipp heißt
Oh Heiliger Philipp du guter Hirt
Schenk uns einen Gasslwirt.
So und jetzt g’freits mi nimma.
Jetzt wia I wieda in den Pfoahof geh,
weu I muaß dringend telefonieren.
Zuerst schau I oba ob I eh alleini bi.
Jo, da Kaplan pockt eh grod de Koffer va seina Indienreise aus.
Pforra sitzt im Gasthaus Krimm ba de Mesner.
Haushälterin Mitzi setzt sich zu einem uralten Telefon und sucht die Nummer vom Gasthaus Brandtner aus dem Telefonbuch.
Wählt 71404
Hallo Fredi, wieso Fredi?
Ah die Hedi, bist das eh de Brandter Hedi!!!
jo Griaß di Brandtner Hedi, do is de Mitzi vom Pforrhof.
Wos du mechst a poor Neuigkeiten wissen?
Do woaß i vü, owa de derfst neahmt dazön,
neht dein Hauns und scho gor net deine Gäst.
Versprichst ma des?
Stoh da vor in Stonakircha haum ma an neichn Buargamoasta.
Da Bürgermeister Pöhacker hoit a neue Voiksschui baut und daun
hot a se denkt, damit de Schui in 8 Johr net lah steht, schau I ma mit meina Barbara nu um an kloan Schula um.
Auf amoi is da liabe Felix auf de Wöt kemma.
Hiazt mecht a aufhern mit dem Aumt.
De Gemeinderäte haum gsogt, er muaß söwa an Nochfolga suacha.
Er hot den Tüchi g’frogt, owa der bleibt liaba ba da Maurerei.
Dann hot den Schnorri aus Zarnsdorf gfrogt,
der sogt, das da do zweng vadient.
Hiazt woar er scho gaunz vazogt.
Er is am Ollaheuligntog zan Hochaumt in d‘Kircha gaunga.
Do hot a de Lothspieler Susi singa g’hört – Kyrie eleison.
Er hot se denkt: waun ihr Mau de Buagamostarei a so guat mocht,
wia sei Frau singa kau, daun wird er a brava Burgamoasta.
Da Christian hot jo g’sogt
und so hauma seit vier Monat in Stroßbaum ois Burgamoasta.
Und waun da Stroßbau na gsogt hätt?
Daun het da Pöcki de Brandtner Hedi gfrogt:
Des wa a Schlogzeun im Baunbindla:
Brandtner Hedi wird Bürgermeisterin.
Aus Waung kaun i dir a wos neix dazöhn:
Aum Mitterberg do steht a Baunhaus, des Stoanegg,
durt sogn se Fuchs und Hehn guate Nocht.
Do hot de oide Stoaneggerin ihre Schloapfa vor da Haustia steh lossn.
A junga Fuchs hot den guatn Gruch g‘schmeckt
und hoit de Schlopfa in Woid einizaht.
A Jaga hots wieda gfundn,
und wieder ins Haus brocht.
Stöh da vor in Etzasteen haums in der Kapölln a Kripperl aufstöht
und do haums auf den heiligen Josef vergessen.
A Kripperl ohne Josef – wo gibt’s denn so wos?
I wissat glei wos wa do mocha kunt.
Do het I dem Sunnleitner Sepp an oidn Hubertusmauntel auzogn
Und het eam zam Kripperl dazuastöht.
Des wa gor net aufgfoin.
Guat das bam Kripperl der Esel net gföht hot.
So jetzt muss I Schluss mochn,
oba morgn ruaf ma se wida zaum.
Pfiati Brandtner Hedi.
Haushälterin Mitzi geht nochmals durch die Kirche und wischt ein paar „Heilige“ ab.
